साउन २१, काठमाडौँ । जल तथा मौसम विज्ञान
विभागको मौसम पूर्वानुमान महाशाखाले नेपालमा भोली मंगलबार र बुधबार मनसुन सक्रिय हुने जनाएको छ । मनसुन सक्रिय हुँदा
अति प्रभावित हुने सम्भावना रहेका तीन दर्जन जिल्लामा रेड अलर्ट समेत जारी गरिएको छ
।
महाशाखाले मनसुन
न्यून चापीय रेखा मंगलबारदेखि नेपाल नजिक सर्ने भएकाले दुई दिनसम्म देशका अधिकांश
स्थानमा हल्कादेखि मध्यम वर्षाको सम्भावना रहेको जनाएको छ ।
अधिकांश
स्थानमा हल्कादेखि मध्यम वर्षाका कारण दैनिक जनजीवन, स्वास्थ्य, कृषि, पर्यटन, सडक तथा हवाई यातायात समेत
प्रभावित हुन सक्ने भएकाले महाशाखाले आवश्यक सतर्कता तथा पूर्व तयारी अपनाउनु हुन
सर्वसाधारण तथा सबै सरोकारवाला निकायहरूमा अनुरोध गरेको छ ।
- न्युज बहार संवाददाता
