१७ असार, काठमाडौँ । जल तथा मौसम विज्ञान
विभागले मनसुन सक्रिय हुँदै गएकाले भारी वर्षाबाट ३४ जिल्ला अति प्रभावित हुने
सम्भावना रहेको जनाएको छ । विशेष बुलेटिन जारी गर्दै विभागले लुम्बिनी प्रदेश, कोशी
प्रदेश, गण्डकी प्रदेश
र बागमती प्रदेशका ३४ जिल्लामा रेड अलर्ट जारी गरेको हो ।
त्यस्तै २६
जिल्लामा भने मध्यम जोखिमको सम्भावनालाई संकेत गर्दै यलो अलर्ट जारी गरिएको छ ।
यलो
अलर्टले मध्यम जोखिम र रेड अलर्टले अति जोखिमको संकेत गर्दछन् ।
विभागले अति
जोखिम भनेर संकेत गरिएका जिल्लाहरुमा कोशी प्रदेशबाट पाँचथर, ताप्लेजुङ, तेह्रथुम, संखुवासभा, मोरङ, सुनसरी,झापा, इलाम, धनकुटा, खोटाङ, भोजपु्र, ओखलढुंगा र सोलुखुम्बु छन् ।
त्यस्तै
बागमती प्रदेशबाट चितवन, मकवानपुर, दोलखा र सिन्धुपाल्चोक जिल्लामा रेड अलर्ट जारी गरिएको छ ।
गण्डकी प्रदेशबाट
बागलुङ, म्याग्दी, कास्की, स्याङ्जा, पर्वत, नवलपरासी पूर्व, लमजुङ र तनहुँ जिल्लामा रेड अलर्ट जारी भएको छ ।
अर्को तर्फ
लुम्बिनी प्रदेशबाट रुपन्देही,कपिलवस्तु, अर्घाखाँची, पाल्पा, प्युठान, गुल्मी, रोल्पा, नवलपरासी पश्चिम र रुकुम पूर्व रेड अलर्ट जोनमा
परेका छन
रेड अर्लट जारी भएको जिल्लाहरुमा अति जोखिमको संकेत प्रादन गरिएको छ ।
विभागका
अनुसार नेपालको दक्षिण भूभाग आसपास रहने मनसुन आगामी केही दिन थप सक्रिय हुने
सम्भावना रहेको छ । यसको कारण असार १७ गतेदेखि २० गतेसम्म सतर्कताको सूचना जारी गरिएको
हो ।
- न्युज बहार संवाददाता
