फागुन ७,
काठमाडौँ । आज फागुन ७ गते अर्थात राष्ट्रिय प्रजातन्त्र दिवस देशभर विभिन्न
कार्यक्रम गरी मनाइदैछ । गणतन्त्रको स्थापनापछि केही समय ओझेलमा परेको यो दिवसलाई सरकारले
यस वर्ष थप महत्वका साथ विभिन्न कार्यक्रम गरी मनाउने निर्णय घोषणा गरेको छ । सरकारले
आज प्रजातन्त्र दिवसका अवसरमा देशभर सार्वजनिक बिदा समेत दिएको छ ।
आज प्रजातन्त्र
दिवसको अवसरमा काठमाडौँको टुँडिखेलमा रहेको सैनिक मञ्चमा विशेष समारोह आयोजना
गरिएको छ । उक्त समारोहमा राष्ट्रपति, उपराष्ट्रपति, प्रधानमन्त्री, प्रधानन्यायाधीश, सभामुखसहितको सहभागिता रहने
जनाइएको छ ।
आजको
उक्त कार्यक्रमको अवसरमा सेनाको हेलिकोप्टरबाट ‘राष्ट्रिय प्रजातन्त्र दिवस, २०८०’ अङ्कित ब्यानर चक्रपथ वरपर
प्रदर्शन गर्ने र हेलिकोप्टरबाट नेपाली सैनिक मञ्च, टुँडिखेलमा पुष्पवृष्टि र झन्डा
प्रदर्शन गर्ने कार्यक्रम रहेको छ ।
- न्युज बहार संवाददाता
