चैत १७, काठमाडौँ । आज बिहान त्रिशूलीमा
ट्याक्सी खस्दा भएको दुर्घटनामा मृत्यु भएको पाँचै जनाको सनाखत भएको छ । आज बिहान
इच्छाकामना-५ नाग्दी खोला पुल नजिकै काठमाडौँबाट गोरखा जाँदै गरेको बा२ ज ४१९६
नम्बरको ट्याक्सी त्रिशूलीमा खस्दा ट्याक्सीमा सवार पाँच जनाको
मृत्यु भएको थियो भने एक जना भने अझै बेपत्ता रहेको छन ।
प्रहरीका
अनुसार दुर्घटनामा मृत्यु हुनेमा गोरखा नगरपालिका-४ फिनाम की हरिमाया रोका, जुनकुरी रोका, याङ्कोटककी अन्जना रोका, आगमन
उपरकोटी र चालक गोरखाकै ३५ वर्षीय अर्जुन सिर्मल छन् ।
गोरखाकै
फिनामका विवश रोका भने दुर्घटनामा बेपत्ता रहेको प्रहरीले जनाएको छ ।
बेपत्ता भएका
उनको सशस्त्र प्रहरीको गोताखोर टोलीले खोजी गरिरहेको छ ।
पारिवारिक
कार्यक्रम सकेर काठमाडौँबाट तीन वटा गाडीमा फर्किंदै गर्दा दुर्घटना भएको जिल्ला
प्रहरी कार्यालय चितवनका प्रमुख भावेश रिमालले जनाएका छन ।
रिमालका
अनुसार अन्य दुई गाडी मुग्लिन आइपुगी धेरैबेर कुर्दा अर्को गाडी नआएपछि उनीहरुले
प्रहरीलाई खबर गरेको र प्रहरीले खोज्दै जाँदा सडकको
डिभाइडर भाँचिएको र त्रिशूलीमा झरेर हेर्दा ट्याक्सी खसेको भेटिएको थियो ।
