फागुन ३, काठमाडौँ । कपिलवस्तुमा यात्रु बाहक दुर्घटना भएको छ । कपिलवस्तुको शिवराज नगरपालिका वडा नम्बर १ सुरही पुल नजिकै बस दुर्घटना भएको हो । बस दुर्घटनामा परि १० जनाको मृत्यु भएको छ ।
जिल्ला प्रहरी कार्यालय कपिलवस्तुका अनुसार सुनौलो महाकाली यातायातको बस बुधबार राति १ बजे महेन्द्रनगरबाट काठमाडौ जाँदै गर्दा दुर्घटनामा परेको हो ।
सु–प–प्र–०२–००१ ख ००९८ नम्बरको सुनौलो महाकाली यातायातले संचालन गरेको बस बाटोबाट २ सय मिटर तल खसेको छ जिल्ला प्रहरी कार्यालय जनाएको छ।
कपिलवस्तुका प्रहरी उपरीक्षक नवरत्न पौडेलका अनुसार दुर्घटनाबाट ३० जना घाइते भएका र त्यसमध्ये ९ जनालाई बुटवल रिफर गरिएको छ भने अन्यको सञ्जीवनी र आधारभूत अस्पतालमा उपचार भइरहेको छ ।
- न्युज बहार संवाददाता
