भदौ
१५, काठमाडौँ । नेपाली लघु चलचित्र ‘रिहाना’ दक्षिण
कोरियामा आयोजना हुने विश्वप्रसिद्ध ३०औं बुसान अन्तर्राष्ट्रिय चलचित्र महोत्सवमा
विश्व प्रिमियर हुने भएको छ। यो वर्षको प्रतिष्ठित महोत्सवमा ‘रिहाना’ एकमात्र
नेपाली प्रतिनिधित्व हुने चलचित्र हो।
महोत्सवले सार्वजनिक गरेको सूचनाअनुसार
चलचित्रको विशेष प्रदर्शन असोज ५ र ६ गते (सेप्टेम्बर २१–२२) हुने छ। यसपटक महोत्सवका लागि ३,०५९ चलचित्रहरू पेश गरिएका थिए, जसमा ‘रिहाना’ शीर्ष १० मा पर्न सफल भएको हो।
चलचित्रमा पृथु भट्ट
र सृजना अधिकारी मुख्य भूमिकामा देखिनेछन्। उज्वल बास्तकोटी, अभिनाश विक्रम शाह र केदार भुसालद्वारा
संयुक्त रूपमा निर्मित यस फिल्मको कार्यकारी निर्माण रोशनी अधिकारीले गरेकी हुन्।
- न्युज बहार संवाददाता
