भदौ २९, काठमाडौँ । प्रधानमन्त्री सुशीला कार्कीलाई गृहमन्त्रीको जिम्मेवारी माग गर्दै धरान उपमहानगरपालिकाका मेयर हर्क साम्पाङ आइतबार बिहान प्रधानमन्त्री निवास बालुवाटार पुगेका थिए।
स्रोतका अनुसार साम्पाङ बिहान करिब ७
बजे बालुवाटार पुगेका थिए र प्रधानमन्त्रीसँग भेटको लागि अनुमति मागेका थिए। तर
सुरक्षाकर्मीहरूले सुरुआतमा उनलाई प्रवेश दिन मानेनन्।
धेरै बेर पर्खिएपछि उनले बारम्बार आग्रह
गरेपछि मात्रै सुरक्षाकर्मीहरूले उनलाई बालुवाटारको परिसरभित्र जान दिएका थिए।
साम्पाङ करिब ६ घण्टासम्म — बिहान ७ बजेदेखि दिउँसो १ बजेसम्म — प्रधानमन्त्री निवासमै कुरेर बसेका थिए।
तर प्रधानमन्त्री कार्कीले पहिले नै समय नलिएका व्यक्तिसँग भेट नगर्ने नीति लिएको
कारण उनले साम्पाङलाई भेटिनन्।
अन्ततः भेट नभएपछि
साम्पाङ फर्किन बाध्य भएका छन्।
- न्युज बहार संवाददाता
