फागुन ३,
काठमाडौँ । प्रधानमन्त्री
पुष्पकमल दाहाल प्रचण्डलाई गृहमन्त्री नियुक्त गर्न सांसदहरुले संसदबाटै दबाब
दिएका छन्।
काठमाडौंको
बालाजु बसपार्क क्षेत्रमा भएको यातायात मजदुर र व्यावसायीहरुको प्रदर्शन प्रदर्शनको
आडमा लोत्से मलमा भएको लुटपाट अनि तोडफोडको घटनालाई लिएर सांसदहरुले मुलुकमा
गृहमन्त्री नभएको अनुभूत भएको भन्दै सांसदहरूले गृहमन्त्री नियुक्तिको माग राखेका
हुन् । ज्ञानेन्द्रबहादुर
शाही राष्ट्रिय प्रजातान्त्रीक पार्टीका प्रमुख सचेतकले तत्काल गृहमन्त्री नियुक्त
गरेर देशमा भइरहेको अराजक स्थितिलाई नियन्त्रणमा लिन माग गरेका छन् ।
बुधबार बसेको प्रतिनिधिसभाको बैठकमा राष्ट्रिय स्वातन्त्र पार्टीका सांसद शिशिर खनाल नेपाली कांग्रेसका सांसद प्रकाशशरण महत, लगायत अन्य सांसदहरुले पनि गृहमन्त्री छिटो भन्दा छिटो नियुक्त गर्नु पर्ने माग राखेका छन । साथै यता रास्वपाका सभापति को कुरामा नेपाली कांग्रेसकी सांसद सुशीला थिङले अनागरिकलाई गृहमन्त्री बनाउँदा देशकै शिर निहुरिएको बताएकी छन् । त्यस्तै बुधबारको बैठकमा धेरै जसो सांसदहरुले काठमाडौंको नयाँ बसपार्क क्षेत्रमा भएको अराजक हरकतको विषयलाई आजको सांसद बैठकमा सरकारको ध्यानाकर्षण गराएका छन ।
