फागुन
२५, काठमाडौँ। आफू राष्ट्रपतिमा निर्वाचित भएमा शितल निवासबाट बाहिर निस्कँदा
जनताले सास्ती व्यहोर्नु नपर्ने राष्ट्रपति उम्मेदवार समेत रहेका नेपाली कांग्रेसका
वरिष्ठ नेता रामचन्द्र पौडेलले बताएका छन्।
आज
भइरहेको राष्ट्रपति चुनावका लागि मतदान गर्न नयाँ बानेश्वरस्थित संघीय संसद भवन
पुगेका पौडेलले पत्रकारहरूसँग कुराकानी गर्दै राष्ट्रपति शितल निवासबाट बाहिर
निस्कँदा सडकमा जाम नहुने बताएका छन।
उनले आफू
राष्ट्रपति निर्वाचित भएमा उदाहरणीय काम गर्ने समेत बताएका छन।
उनले भने, ‘राजतन्त्रको राष्ट्रप्रमुख र
गणतन्त्रको राष्ट्रप्रमुखबीच भिन्नता तपाईंहरू आफैले देख्नुहुनेछ, म राष्ट्रपति भएर शितल निवासबाट बाहिर
निस्कँदा जनताले कहिले पनि सास्ती व्यहोर्नु पर्दैन।’
- न्युज बहार संवाददाता
