फागुन ८, काठमाडौँ । नेकपा
माओवादी केन्द्रको आज बसेको पदाधिकारी बैठकले राष्ट्रपतिमा राष्ट्रिय सहमति खोज्ने
जिम्मा पार्टी अध्यक्ष तथा प्रधानमन्त्री पुष्पकमल दाहाल प्रचण्डलाई दिएको छ ।
सोमबार चार बजे देखी पार्टी केन्द्रीय कार्यालय पेरिसडाँडामा बसेको पदाधिकारी बैठकले राष्ट्रपतिमा राष्ट्रिय सहमति खोज्ने सबै जिम्मा अध्यक्ष प्रचण्डलाई दिएको हो ।
सोमबार बसेको पदाधिकारी बैठकले राष्ट्रिय सहमतिमा जोड दिएको छ । उपाध्यक्ष कृष्णबहादुर महराले भने ‘हाम्रो पार्टीको स्वार्थमा केन्द्रित भएर राष्ट्रिय सहमति खोजी गर्ने निर्णय भएको छ, संविधानको रक्षा, गणतन्त्रको रक्षा र शान्ति प्रक्रिया पूरा गर्ने हाम्रो स्वार्थ हो ।’
उपाध्यक्ष महराले भने, यो कोसँग मिल्छ, हेर्दै जानुहोला। यसअनुसार आज बसेको पदाधिकारी
बैठकले राष्ट्रपति चुनावबारे सम्पुर्ण अन्तिम निर्णय गर्ने अधिकार अध्यक्ष
प्रचण्डलाई दिएको छ।
