फागुन ८,
काठमाडौँ । अहिलेको मुख्य विषय राष्ट्रपति चयन र अन्य विषयमा छलफल गर्न नेकपा माओवादी
केन्द्रको पदाधिकारी बैठक आज बस्ने भएको छ । सोमबार दिउँसो ४ बजेपछि माओवादी पार्टी
मुख्यालय पेरिसडाँडामा पदाधिकारी बैठक बस्ने जानकारी केन्द्रका नेता मातृका यादव दिएका छन।
फागुन अन्तिम साता हुन लागेको राष्ट्रपति चुनावमा पार्टीले
कसलाई समर्थन गर्ने भन्ने विषयमा बैठकमा छलफल गरिने भएको छ । यादवले
बताएका छन। आइतबार
साँझ कांग्रेसमा शीर्ष नेताहरुले माओवादी केन्द्रका अध्यक्ष तथा प्रधानमन्त्री
पुष्पकमल दाहाल प्रचण्डसँग भेटवार्ता गरेका थिए । कांग्रेसले राष्ट्रपतिमा सहयोग
माग्दा प्रधानमन्त्री प्रचण्डले पार्टीमा छलफल गरेर निर्णयमा पुग्ने जवाफ दिएका
थिए ।
फागुन २५ गते हुने राष्ट्रपति
निर्वाचनका लागि फागुन १३ गते नै उम्मेदवारी दर्ताको कार्यक्रम छ
। फागुन १० गतेसम्म माओवादीलाई कांग्रेस उम्मेदवारको पक्षमा उभ्याउन कांग्रेस नेताहरूले
प्रयास गरिरहेका छन् ।
