फागुन २, धनगढी । पूर्वप्रधानमन्त्री तथा नेकपा
एकीकृत समाजवादीका सम्मानित नेता झलनाथ खनालले अहिलेको सत्ता गठबन्धन भत्किने
सम्भावना नभएको बताएका छन् ।
प्रेस
संगठन कैलालीले मंगलबार धनगढीमा आयोजना गरेको पत्रकार सम्मेलनमा बोल्दै नेता झलनाथ
खनालले भने, ‘अहिलेको
गठबन्धन भत्किने र नयाँ बन्ने त्यस्तो केही सम्भावना देखिरहेको छैन् ।’ उनले आवश्यक परेमा राजनीतिक दलहरूबीच
हुने सहमतिका आधारमा आफ्नो पार्टीले पनि राष्ट्रपतिमा उम्मेदवार उठाउने उल्लेख गरेका
छन । राष्ट्रपतिमा तपाईंको
पनि चर्चा चलेको छ नि भन्ने जिज्ञासामा खनालले भने, ‘चर्चा गरिदिएकोमा धन्यवाद ।’भन्ने जवाफ दिएका थिए ।
राष्ट्रपतिको
निर्वाचनको हकमा सबै राजनीतिक दलले सोचेर बुझेर सही तरिकले निर्णय लिनु पर्ने उनको
भनाई छ । राष्ट्रपति निर्वाचन भनेको महत्वपूर्ण एजेन्डा भएको र यसमा सबै राजनीतिक
दलले सुझबुझ र बडो दुरदर्शिताका साथ संविधानको मर्म, हामीले स्थापित गरेको लोकतान्त्रिक
मूल्य, मान्यताका
साथ राम्रो व्यक्तित्वलाई पदमा पुगाउनुपर्छ,’ खनालले भने, ‘त्यसका लागि सबै पार्टीहरू राम्रोसँग
समन्वयका साथ अघि बढ्नुपर्छ ।’
