फागुन २५, काठमाडौं। जनता समाजवादी पार्टी (जसपा)ले उपराष्ट्रपतिको उम्मेदवार चयनलगायत समसामयिक राजनीतिक विषयमा छलफल गर्न केन्द्रीय कार्यकारिणी समितिको बैठक आज बोलाएको छ ।
आज बिहिबार दिउँसो ३ बजे पार्टी केन्द्रीय कार्यालय बालकुमारीमा बैठक बस्ने पार्टीका कार्यकारिणी समिति सदस्य शिवलाल थापाले जानकारी दिएका छन ।
९ दलिय सत्ता गठबन्धनमा भागबण्डा गर्दा राष्ट्रपति उम्मेदवार नेपाली कांग्रेसले र उपराष्ट्रपति उम्मेदवार जसपाले पाउने सहमति भएको थियो । राष्ट्रपतिको निर्वाचन आज र उपराष्ट्रपतिको निर्वाचन चैत ३ गते हुनेछ । सोही सहमति अनुसार उपराष्ट्रपतीको लागी जसपा बाट कसलाई उम्मेदवार बनाउने छलफल पनि आजको बस्न लागेको बैठकमा गरिने कार्यकारिणी समिति सदस्य शिवलाल थापाले बाताएका छन।
- न्युज बहार संवाददाता
