मंसिर २९, जनकपुर । धनुषा जिल्लामा २४
घण्टादेखि हराइरहेकी एक बालिका मृत अवस्थामा फेला परेकी छन् ।
धनुषा
जिल्लाको सबैला नगरपालिका २ कुसमहा सतोखरकी ६ वर्षीया बालिका रेखा यादवको शव पोखरी
नजिक पानी जमेको खाल्डोमा भेटिएको हो । उनको शव नग्न अवस्थामा भेटिएको प्रहरीले
जनाएको छ । बालिकाले लगाएका कपडाहरु खाल्डो छेउमा फेला परेको छ ।
प्रहरी उपरीक्षक मित्रबन्धु शर्माले बिहीबार बेलुका ७ बजे शव
फेला परेको जानकारी दिएका हुन । प्रहरी उपरीक्षक शर्माका अनुसार शवको प्रकृतिले घटना शंकास्पद
देखिएको छ भने अहिले अनुसन्धान जारी रहेको छ ।
बुधबार ती
बालिका विवाहपञ्चमीको अवसरमा निकालिने मटकोरको रथ यात्रामा सहभागी भएकी सबैला नगरपालिकाका
मेयर कारीराम यादवले बताएका छन । ती बालिका रथमै चढेर सतोखर पोखरीसम्म आएकी थिइन् भने
उनलाई रथबाट २-३ जना युवकले उतारेका थिए । त्यसदिन घर नआएपछी उनको खोजीका
लागी अभिभावकले इलाका प्रहरी कार्यालय सबैलालाई जानकारी गराएका थिए ।
खिजि कार्य
भइरहँदा खेतमा खनेको खाल्डोमा बालिकाको शव फेला परेको इलाका प्रहरी कार्यालय
सबैलाका प्रहरी निरीक्षक सुन्दर चौलागाईले जानकारी दिएका छन ।
प्रहरी
निरीक्षक चौलागाईंका अनुसार घटनास्थलको मुचुल्का गरी शव पोस्टमार्टमका लागि
प्रादेशिक अस्पताल जनकपुर लगिने छ । प्रहरीले बालिकालाई रथबाट उतार्ने दुईजना
युवालाई नियन्त्रणमा लिएर सोधपुछ गरिरहेको छ ।
- न्युज बहार संवाददाता
