असार १७, चितवन । नारायणगढ–मुग्लिन सडक खण्डमा अहिले पहिरोले अवरुद्ध भएको छ। सडक खण्डमा खसेको पहिरो पन्छाउन अझै केही समय लाग्ने भएको छ । चितवनको इच्छाकामना गाउँपालिका–५ तीन नम्बर पुलमा हिजो राति पहिरो खसेको थियो।
थप पहिरो नखसे केही घण्टापछि सडक खुलाउन सकिने डिभिजन सडक कार्यालय चितवनका प्रमुख रमेशकुमार पौडेलले बताएका छन ।
माथिवाट पहिरोको एउटा पुरै ढिस्को नै आएर सडकमा बसेकोले पन्छाउन समय लागेको र अर्को ढिस्को पनि खस्ने क्रममा रहेको उनले बताएका छन।
- न्युज बहार संवाददाता
