असोज १७, काठमाडौँ । आजदेखि नेपालमा तीनदिने चट्याङ र यसको रोकथामका विषयमा अन्तर्राष्ट्रिय सम्मेलन सुरु हुँदैछ । उक्त सम्मेलन ललितपुरमा हुने छ भने यस सम्मेलनमा नेपाललगायत विभिन्न देशका विज्ञसहित झण्डै एक सय जनाको सहभागिता रहने भएको छ ।
यस सम्मेलनको उद्घाटन उपप्रधानमन्त्री एवं गृहमन्त्री नारायणकाजी श्रेष्ठले गर्ने छन भने चट्याङविद् प्रा डा श्रीराम शर्माले ४४ जनाले सम्मेलनमा शोधपत्र प्रस्तुत गर्ने कार्यक्रम रहेको जानकारी दिएका छन ।
उनका अनुसार यस सम्मेलनमा अमेरिका, भारत, फ्रान्स, ब्राजिल, इजरायल, स्वीडेन, बङ्गलादेश, पाकिस्तान, अष्ट्रेलियालगायत देशबाट विज्ञको सहभागिता रहने छ ।
यो सम्मेलन असोज १९ गतेसम्म चल्ने छ । यस सम्मेलनमा विश्वमा चट्याङको अवस्था, यसको रोकथामका लागि गरिएका प्रयास र नीति निर्माताले सम्बोधन गर्नुपर्ने विषयका बारेमा छलफल हुने बताइएको छ ।
