मंसिर
१, जाजरकोट । जाजरकोटलाई केन्द्रबिन्दु बनाइ कात्तिक १७ गते मध्यराति गएको
विनाशकारी भूकम्पका कारण चर्किएका संरचनाहरू फेरि भत्किँदा दुई जिल्लामा पाँच जना
घाइते भएका छन्।
जाजरकोटमा
एक र रूकुम पश्चिममा चार गरी पाँचजना घाइते भएका हुन ।
जाजरकोटमा चर्किएको
संरचनाभित्र तिहारको टीका लगाइ रहेका उनीहरूमाथि घरका डाँडाभाटा झरेर चोटपटक
लागेको जिल्ला प्रहरी प्रमुख डिएसपी नमराज भट्टराइले जनाएका छन भने रूकुम पश्चिममा चर्किएको घर छेउबाट हिड्ने क्रममा घरको ढुङ्गा खसेर एक जना घाइते भएका हुन।
स्थानीय
प्रशासनले प्रभावित क्षेत्रका बासिन्दालाई भूकम्पले चर्किएका, भत्किएका संरचना नजिक वा भित्र नजान आग्रह
गर्दै आएको छ।
- न्युज बहार संवाददाता
