असार २६, ललितपुर। प्रहरीले स्कुलमा बालबालिका लिन गएका महिलाहरुलाई टार्गेट गरेर घाँटीमा लगाएको सिक्री लुटपाट गर्ने समूहलाई पक्राउ गरेको छ ।
असार १७ देखि १९ गतेसम्म ललितपुर महानगरपालिकामा यस्ता चार वटा घटना भएको थियो । प्रहरीले सबै घटनामा सिक्री लुटपाट वा लुटपाटको प्रयास गर्ने एकै व्यक्ती लोलिनकाजी महर्जन भएको बताएको छ ।
६ वटा चोरी मुद्दा र २ लागु औषध मुद्दामा पक्राउ परेका उनले अन्य दुई जनाको सहयोगमा लुटपाट वा लुटपाट प्रयास गरेका खुल्न आएको छ ।
बालबालिकालाई छोडेर प्रतिकार गर्न नसकिहाल्ने हुनाले यस्ता मान्छेलाई टार्गेट बनाएको ललितपुर प्रहरीले जनाएको छ।
- न्युज बहार संवाददाता
