जेठ
१७, काठमाडौँ । नेप्से परिसूचक साताको अन्तिम कारोबार दिन घटेर बन्द भएको छ।
बिहीबार नेप्से परिसूचक
१९.८९ अंक( ०.९५ प्रतिशत)ले घटेर २०६९.५३ विन्दुमा बन्द भएको हो ।
यस दिन नेप्सेसँगै कारोबार रकम पनि घटेको छ। बजारमा यस
दिन ३११ स्टकको ६१ हजार ७२ पटकको कारोबारमा ४ अर्ब २१ करोड ७४ लाख रुपैयाँ बराबरको
९८ लाख ६४ हजार कित्ता शेयर खरिदबिक्री भएको छ ।
यस दिन नेप्से घट्दा
पनि चार स्टक भगवती हाइड्रोपावर डेभलपमेन्ट कम्पनी, अप्पर लोहोरे खोला हाइड्रोपावर
कम्पनी, मनकामना इन्जिनियरिङ्ग हाइड्रोपावर र नेपाल फाइनान्सको शेयर भने सकारात्मक
सर्किट लेभलमा कारोबार भएको छ ।
पोखरा फाइनान्सको शेयर
भने यस दिन नकारात्मक सर्किट लेभलमा कारोबार भएको छ।
आज कारोबार रकमका आधारमा नेपाल फाइनान्स शीर्ष स्थानमा
रहेको छ। उक्त शेयरको यस दिन १९ करोड ४५ लाख रुपैयाँ बराबरको शेयर खरिदबिक्री भएको
छ।
आज कारोबारमा आएका १३
उपसमूहमध्ये यस दिन १० उपसमूहको परिसूचक घटेको भने ३ उपसमूहको परिसूचक बढेको छ ।
यस दिन सर्वाधिक १.२३
प्रतिशतले उत्पादन तथा प्रशोधन उपसमूहको परिसूचक बढेको छ।
- न्युज बहार संवाददाता
