चैत २२, काठमाडौँ । शेयर बजार पछिल्ला केही कारोबार दिनदेखि घट्दो क्रममा रहेको छ ।

साताको अन्तिम कारोबार दिन बिहीबार नेप्से परिसूचक २.७३ अंक(०.१३ प्रतिशत)ले घटेर २००४.०५ विन्दुमा बन्द भएको छ ।

यस दिन कारोबार रकम भने केही बढेको छ । बजारमा यस दिन ३०२ स्टकको ५६ हजार ३२१ पटकको कारोबारमा ३ अर्ब ३ करोड ७२ लाख रुपैयाँ बराबरको ६९ लाख ६३ हजार कित्ता शेयर खरिदबिक्री भएको छ ।

आज पनि बजारमा लघुवित्त कम्पनीहरुमा लगानीकर्ताहरुको आकर्षण कायमै रहेको देखिएको छ ।आज शेयरमूल्य बढेका शीर्ष १० कम्पनीहरुको सूचीमा यस दिन पनि ९ लघुवित्त कम्पनीहरु रहेका छन् । मानुषि लघुवित्त र मनकामना स्मार्ट लघुवित्तको शेयर सकारात्मक सर्किट लेभलमा कारोबार भएको छ  भने पिपुल्स पावरको शेयरमूल्य यस दिन सर्वाधिक ७.२४ प्रतिशतले घटेको छ।

यस दिन कारोबार रकमका आधारमा गोर्खाज फाइनान्स शीर्ष स्थानमा रहेको छ । यस दिन सो फाइनान्सको २३ करोडभन्दा बढीको शेयर कारोबार भएको छ ।

यस दिन १३ उपसमूहमध्ये ८ उपसमूहको परिसूचक घटेको छ भने ५ उपसमूहको परिसूचक बढेको छ। यस दिन सर्वाधिक २.३८ प्रतिशतले लघुवित्त उपसमूहको परिसूचक बढेको छ  भने यस दिन सर्वाधिक १.६१ प्रतिशतले उत्पादन तथा प्रशोधन उपसमूहको परिसूचक घटेको छ।

• न्युज बहार संवाददाता