मंसिर १०, काठमाडौँ । सोमबार नेपाली बजारमा सुनको मूल्यमा उच्च गिरावट आएको छ । आज सुनको मुल्य उच्च दरले घटेको छ ।
आज एकै
दिन सुनको भाउ प्रतितोला १५ हजार नौ सय रूपैयाँले घटेको छ ।
आज
छापावाल सुन प्रतितोला एक लाख ५१ हजार तीन सय रूपैयाँमा कारोबार भइरहेको नेपाल
सुनचाँदी व्यवसायी महासंघले जनाएको छ ।
हिजो आइतबार
छापावाल सुन प्रतितोला एक लाख ६७ हजार दुई सय रूपैयाँमा कारोबार भएको थियो ।
सुन तथा चाँदीमा लाग्ने कर सरकारले घटाएपछि सुनको मूल्यमा भारी
गिरावट आएको हो।
त्यस्तै आज सोमबार चाँदीको मूल्यमा गिरावट आएको छ ।
सोमबार चाँदी
प्रतितोला एक हजार आठ सय ४५ रूपैयाँमा किनबेच भइरहेको महासंघले जनाएको छ ।
आज चाँदी अघिल्लो दिनको तुलनामा प्रतितोला एक सय १५ रूपैयाँले
घटेको हो ।
सरकारले सुन
आयातमा २० प्रतिशत कर लिदै आएको थियो। सोमबार सुनको मूल्यमा उच्च गिरावट आउनुको कारण मन्त्रिपरिषद्को
बैठकले २० प्रतिशत विन्दुले भन्सार दर घटाएर १० प्रतिशत कायम गर्नु नै मानिएको छ ।
चाँदीको
भन्सार दर १५ प्रतिशतबाट सरकारले १० प्रतिशतमा झारेको छ।
- न्युज बहार संवाददाता
