साउन १३, काठमाडौँ । नेपाली तरकारी बजारमा हरियो धनियाँको मूल्य
बढेको छ।
कालीमाटी
फलफूल तथा तरकारी बजार विकास समितिको तथ्यांक अनुसार मंगलबार कालीमाटी बजारमा
हरियो धनियाँ प्रतिकिलो थोक मूल्य न्यूनतम पाँच सयदेखि अधिकतम सात सय रूपैयाँमा
कारोबार भइरहेको छ। जसको औसत बजार मुल्य छ सय रहेको छ।
एक
महिनाअघि मात्र कालीमाटी बजारमा हरियो धनियाँ प्रतिकिलो ६० देखि ८० रूपैयाँमा
बिक्री भइरहेको थियो। अहिले होलसेलमै धनिया औसत छ सय रुपैयाँ किलो पुगेको छ।
अहिले
हरियो धनियाँको सिजन नभएकोले बजार मुल्य यसरी बढेको व्यवसायीहरूले बताएका छन। तरकारी
व्यवसायीहरूका अनुसार अफ सिजन भएकाले मूल्य बढेको हो भने अहिले होटल तथा
रेष्टुरेन्टमा हरियो धनियाँको माग बढी छ।
मकवानपुर, दक्षिणकाली, पालुङ, काठमाडौं, भक्तपुर तथा कुलेखानी लगायतका
क्षेत्रबाट हाल कालीमाटी बजारमा हरियो धनियाँ आउने गरेको छ।
- न्युज बहार संवाददाता
