माघ
५, काठमाडौं । नासा सेक्युरिटिज ब्रोकर नं ५८ ले नेपालमै पहोलो पटक
लगानीकर्ताहरुलाई शेयर ब्रोकर अफिसबाटै कर्जा लिएर शेयर खरिद गर्न सक्ने मार्जिन
ट्रेडिङमा कारोबार सुबिधा गत कार्तिक ३ गते देखी सुरु गरेको छ । नासा
सेक्युरीटिजले नियमनकारी निकायहरुको मार्गनिर्देशन र मार्जिन कारोबार सुबिधा सम्बन्धी
कार्यबिधी, २०७५ बमोजिमा लगानीकर्ताहरुको लागी साबिक, संशोधीत सहित थप २ नयाँ
योजनाहरु सार्बजनिक गरेको छ । उसले सार्वजनिक
गरेको थप दुई योजनामा लगानीकर्ताहरूले २५ लाखसम्मको कारोबार गर्न सक्नेछन्। २५ लाख
सम्मको कारोबार गर्ने लगानीकर्ताले ४० प्रतिशत रकम भुक्तान गरी ३० दिन सम्म रकम
चलाउन पाउने छन्। ३० दिनकोलागि २५ लाख रकम चलाए बापत सेवाग्राहीले २४ हजार पाँच सय ५५ रुपैयाँ
सेवा शुल्क बुझाउनु पर्ने छ। साथै २५ लाख रुपैयाँ नै ५८ दिनको लागि चलाउने
सेवाग्राहीले ४९ हजार नौ सय ५५ रुपैयाँ सेवा शुल्क तिर्नु पर्ने विज्ञप्तिमा
उल्लेख छ।
साथै साविकको योजना अन्तर्गत रु १० लाख सम्मको पोर्टफोलियोमा काम गर्ने ग्राहकले ३० र ५८ दिने अबधिका लागी जम्मा शुल्क क्रमश रुः ९५५५ र १९५५५ मात्र लाग्ने गरी संशोधन गरिएको जानकारी दिएको छ ।
यसैगरी गत कार्तिकमा सार्वजनिक भएको साविक स्किममा सेवा शुल्क घटाइएको छ। उसले सार्वजनिक गरेको ३० दिने स्कीममा ४.४४ प्रतिशत र ५८ दिने स्किममा ७.१३ प्रतिशत शुल्क घटाएको जनाएको छ।
