पुस १, काठमाडौँ । हिमालयन रि इन्स्योरेन्स लिमिटेडले मंसिर २७ गतेदेखि सर्वसाधारणका लागि निष्काशन तथा बिक्री खुला गरेको आईपीओमा आवेदन दिने समय थप गरेको छ। थप समय अनुसार कम्पनीको आईपीओ निष्काशन ढिलोमा पुस ११ गते बन्द हुनेछ । कम्पनीका अनुसार माग भन्दा बढीको आवेदन परेमा सो अगावै सर्वजनिक सूचना जारी गरेर बिक्री बन्द गरिने छ ।
हिमालयन रि इन्स्योरेन्स लिमिटेड कम्पनीले मंसिर २७ गतेबाट सेयर बिक्री खुला गरेको थियो । कम्पनीको आईपीओमा न्यूनतम १० कित्तादेखि अधिकतम ३ लाख कित्तासम्मका लागि आवेदन दिन सकिनेछ भने सर्वसाधारणका लागि कम्पनीले २ करोड ४९ लाख कित्ता सेयर जारी गरेको छ ।
कम्पनीले अंकित मूल्य १ सय रुपैयाँमा थप १०६ रुपैयाँ प्रिमियम जोडेर प्रति कित्ता २०६ रुपैयाँका दरले सेयर बिक्रि खुला गरेको हो। यो नेपालको निजी क्षेत्रको पहिलो पुनर्बीमा कम्पनी हो ।
- न्युज बहार संवाददाता
