असोज २५, काठमाडौँ । नेपालको पूर्वी तथा मध्य भागमा हाल मनसुनी वायुको आंशिक प्रभाव रही रहेको छ । यसको प्रभावले हाल देशको पहाडी भूभागमा आंशिक बदली रहेको छ ।
आज दिउँसो गण्डकी प्रदेश, बागमती प्रदेश र कोशी प्रदेशमा आंशिकदेखि सामान्य बदली रही यी प्रदेशका र लुम्बिनी तथा मधेस प्रदेशका एक–दुई स्थानमा चट्याङ्ग सहित हल्का देखि मध्यम वर्षाको सम्भावना रहेको मौसम पूर्वानुमान महाशाखाले जनाएको छ।
त्यसैगरी आज राति भने देशभर आंशिक बदली देखि मौसम सामान्यतया सफा रहनेछ। गण्डकी प्रदेश, बागमती प्रदेश र कोशी प्रदेशका पहाडी भूभागका एक–दुई स्थानमा चट्याङ्गसहित हल्का वर्षाको सम्भावना रहेको छ ।
- न्युज बहार संवाददाता
