मंसिर १४, काठमाडौँ । मौसम पूर्वानुमान महाशाखाका अनुसार हाल देशमा भारतको राजस्थान क्षेत्र आसपास रहेको न्यून चापीय प्रणालीका साथै पश्चिमी वायुको सामान्य प्रभाव रहेको छ । यसको प्रभावले हाल मधेस प्रदेश, बागमती प्रदेश, गण्डकी प्रदेश र लुम्बिनी प्रदेश लगायत देशका पहाडी भूभागमा आंशिक बदली रहेको छ। 

आज दिउँसो सुदुरपश्चिम बाहेकाका अन्य प्रदेशहरु र देशको बाँकी पहाडी भूभागमा  आंशिक देखि सामान्य बदली रही बागमती प्रदेश, गण्डकी प्रदेश, लुम्बिनी प्रदेश र मधेस प्रदेश लगायत देशको पहाडी भूभागका एक–दुई स्थानमा हल्का वर्षाको समेत सम्भावना रहेको छ। साथै देशका  हिमाली तथा उच्च पहाडी भूभागका थोरै स्थानहरूमा हल्का हिमपातको सम्भावना रहेको छ।

आज बिहिबार राति भने गण्डकी प्रदेश,लुम्बिनी प्रदेश, कर्णाली प्रदेश, सुदूरपश्चिम प्रदेश र बागमती प्रदेश लगायत देशको बाँकी पहाडी भूभागमा आंशिक बदली  रही गण्डकी प्रदेश र कोशी प्रदेशको उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ।

• न्युज बहार संवाददाता