माघ २, काठमाडौँ
। मौसम पुर्वानुमान महाशाखाका अनुसार हाल नेपालमा
पश्चिमी वायुको आंशिक प्रभाव साथै बङ्गलादेशको दक्षिण भूभाग आसपास रहेको न्यून
चापीय प्रणालीको समेत आंशिक प्रभाव रहेको छ । यसको प्रभावले हाल देशको पहाडी
भूभागमा आंशिक बदली रहेको छ भने साथै तराईका अधिकांश स्थानहरूमा हुस्सु लागेको छ।
आज
दिउँसो देशका पहाडी भूभागमा आंशिक देखि साधरणतया बदली रही बाँकी भूभागमा आंशिक
बदली देखि मौसम मुख्यतया सफा रहने तथा देशका पहाडी भूभागका एक–दुई स्थानमा हल्का वर्षाका साथै
देशका उच्च पहाडी तथा हिमाली भूभागका थोरै स्थानमा हल्का हिमपातको सम्भावना रहेको
छ।
त्यसैगरी
आज राति कर्णाली प्रदेश, कोशी प्रदेश र गण्डकी प्रदेशका पहाडी भूभागका
एक–दुई
स्थानमा हल्का वर्षाको सम्भावनाका साथै उच्च पहाडी तथा हिमाली भूभागका एक–दुई स्थानमा हल्का हिमपातको सम्भावना रहेको छ।
- न्युज बहार संवाददाता
