जेठ १५, काठमाडौँ । मौसम पूर्वानुमान महाशाखाका अनुसार हाल नेपालमा देशको पूर्वी भूभागमा 'रेमल' चक्रवातसँगै स्थानीय वायुको सामान्य प्रभाव रहेको छ। जसको प्रभावले हाल देशको कर्णाली प्रदेश, गण्डकी प्रदेश, बागमती प्रदेश, मधेस प्रदेश र कोशी प्रदेश लगायत बाँकी पहाडी भूभागमा आंशिक देखि साधरणतया बदली रहेको छ भने गण्डकी प्रदेश र बागमती प्रदेशको थोरै स्थानहरूमा चट्याङ्गसहित हल्का देखि मध्यम वर्षा भइरहेको छ।

आज मंगलबार दिउँसो मधेस प्रदेश, कोशी प्रदेश, गण्डकी प्रदेश र बागमती प्रदेशमा साधारण बदली तथा बाँकी भूभागमा मौसम सफा रहने छ । कोशी प्रदेश, कर्णाली प्रदेश, बागमती प्रदेश, मधेस प्रदेश र गण्डकी प्रदेशका केही स्थानहरूमा चट्याङ्ग र हावाहुरीसहित हल्कादेखि मध्यम वर्षाको सम्भावना रहेको छ।

आज राति भने कोशी प्रदेश लगायत देशका पहाडी भूभागमा साधरणतया बदली रही बाँकी भूभागमा मौसम मुख्यतया सफा रहने छ । पहाडी भूभागका थोरै स्थानहरूमा चट्याङ्गसहित हल्कादेखि मध्यम वर्षाको सम्भावना रहेको महाशाखाले जनाएको छ । 

• न्युज बहार संवाददाता