कार्तिक
११, काठमाडौँ । मौसम पूर्वानुमान महाशाखाका अनुसार हाल नेपालको पश्चिमी भूभागमा
पश्चिमी वायुको आंशिक प्रभाव रहेको छ। यसको प्रभावले हाल देशको पहाडी भूभागमा
आंशिक बदली रहेको छ।
आज शनिबार
दिउँसो लुम्बिनी प्रदेश, कर्णाली प्रदेश र सुदूरपश्चिम प्रदेश लगायत देशको पहाडी
भूभागमा आंशिक बदली तथा बाँकी भूभागमा मौसम सामान्यतया सफा रही देशका पहाडी
भूभागका एक–दुई
स्थानमा चट्याङ्गसहित हल्का वर्षाको सम्भावना रहेको छ भने देशको उच्च पहाडी तथा
हिमाली भूभागका एक–दुई
स्थानमा हल्का हिमपातको पनि सम्भावना रहेको महाशाखाले जनाएको छ ।
त्यसैगरी
आज राति भने लुम्बिनी प्रदेश, कर्णाली प्रदेश र सुदूरपश्चिम प्रदेशलगायत देशको पहाडी भूभागमा
आंशिक बदली तथा बाँकी भूभागमा मौसम सामान्यतया सफा रहने छ।
- न्युज बहार संवाददाता
