फागुन १६, काठमाडौँ । त्रिभुवन विश्वविद्यालयले स्नातकोत्तर र अधिस्नातक (पीजीडी) तहको पुनः प्रवेश परीक्षा हुने जनाएको छ । पुनः प्रवेश परीक्षाको सूचना मानविकी तथा सामाजिक शास्त्र सङ्काय डीनको कार्यालयले जारी गरेको हो ।
डीनको
कार्यालयले मानविकी तथा सामाजिक शास्त्र सङ्कायमा कम विद्यार्थीहरू भर्ना भएपछि पुनः
प्रवेश परीक्षा गर्न लागेको जनाएको छ । त्यसका लागि आवेदन फारम फागुन १५
गतेदेखि फागुन २३ गते राति १२ बजेसम्म भर्न सकिने छ । स्नातकोत्तर तह र
अधिस्नातकको पुनः प्रवेश परीक्षा फागुन २६ गते हुने डीनको कार्यालयले जनाएको छ ।
यसपटक आवेदन
दस्तुर ३ हजार रूपैयाँ लाग्ने र यो अनलाइन मार्फत नै बुझाउन सकिने छ भने प्रवेश परीक्षामा
सम्बन्धित विषयको स्नातक तहको पाठ्यक्रमका आधारमा बहुवैकल्पिक प्रश्नहरू ५० वटा सोधिनेछन्
। फागुन २९ गते प्रवेश परीक्षाको नतिजा प्रकाशन गरिनेछ ।
- न्युज बहार संवाददाता
