भदौ
११, काठमाडौँ । आज बुधबार नेप्से परिसूचक उच्च अंकले बढेर बन्द भएको छ। आज नेप्से
बढेर २८०० विन्दुभन्दा माथि पुगेको छ।
यस दिन नेप्से परिसूचक ५३.०१
अंकले बढेर २८१९.१० विन्दुमा पुगेको छ। यस दिन नेप्सेसँगै कारोबार
रकम पनि बढेको छ। बजारमा यस दिन ३२१ स्टकको ७२ हजार ५२८ पटकको कारोबारमा ७ अर्ब ६८
करोड ३३ लाख ८६ हजार रुपैयाँबराबरको १ करोड ४९ लाख ८६ हजार कित्ता शेयर खरिदबिक्री
भएको छ।
आज
कारोबारमा आएको विकास हाइड्रोपावरको शेयर सकारात्मक सर्किट लेभलमा कारोबार भएको छ।
यस दिन केबिएल डिबेञ्चर २०८६ को मूल्य सर्वाधिक ५.७९ प्रतिशतले घटेको छ।
यस दिन कारोबार रकमका आधारमा हिमालयन रि इन्स्योरेन्स
शीर्ष स्थानमा रहेको छ। उक्त कम्पनीको यस दिन ६५ करोड ४२ लाख रुपैयाँबराबरको शेयर
कारोबार भएको छ।
आज कारोबारमा आएका १३
वटै उपसमूहको परिसूचक बढेको छ। जसमध्ये विकास बैंक उपसमूहको परिसूचक सर्वाधिक ३.४०
प्रतिशतले बढेको छ।
त्यस्तै, यस दिन २ प्रतिशतभन्दा
बढीले लगानी, जीवन
बीमा, उत्पादन
तथा प्रशोधन, अन्य
र व्यापार उपसमूहको परिसूचक बढेको छ।
- न्युज बहार संवाददाता
