फागुन ११, काठमाडौँ । काठमाडौँको थापाथलीस्थित प्रसूति तथा स्त्रीरोग अस्पतालको कम्पाउन्डबाट २६ दिनको बच्चा चोरि बएको छ ।
आफ्नो बच्चा चोरी भएको भन्दै काभ्रेको चौरी देउराली गाउँपालिका–३ घर भएर कपन बस्ने २२ बर्सिया सविना श्रेष्ठले प्रहरीमा सूचना दिएको जिल्ला प्रहरी परिसर काठमाडौँका एसपी नवराज अधिकारीले जानकारी दिएका छन । जिल्ला प्रहरी परिसर काठमाडौँको टिमले सूचना प्राप्त भएपछि खोजतलास सुरु गरेको छ । अहिले चोरिएकी बालिकाको खोजी तीव्र पारिएको छ । अनुसन्धानमा संलग्न प्रहरी अधिकृतहरू अनुसार २६ दिनकी बालिका चोरीमा संलग्न आरोपीको हुलिया थाहा भएको छ ।
थापाथलीस्थित प्रसूति तथा स्त्रीरोग अस्पतालको कम्पाउन्डबाट अपरिचित महिलाले ‘एकछिन म लिइदिन्छु’ भनेर छोरी लिएर फरार भएको पीडितले प्रहरीलाई बताएकी छन् ।
- न्युज बहार संवाददाता
