फागुन १४, काठमाडौँ । राष्ट्रिय
स्वतन्त्र पार्टी(रास्वपा)ले राष्ट्रपति निर्वाचनबारे छलफल गर्न केन्द्रीय कमिटी
बैठक बोलाएको छ।
सोमबार बस्ने
बैठकमा राष्ट्रपतिको चुनावमा कुन उम्मेदवारलाई समर्थन गर्ने भन्ने छलफल हुन लागेको
रास्वपा नेता दीपक बोहराले बताएका छन।
नेता
दीपक बोहराले भने ' दुबैतिर
छलफल चलिरहेको छ, अहिलेसम्म कसलाई समर्थन गर्ने भनेर निर्णय लिइएको छैन, राष्ट्रपति
निर्वाचन र पार्टीको आगामी योजनाबारे छलफल गर्न सोमबार बैठक बस्ने छ र सोही दीन
निर्णय हुने छ।'
नेपाली कांग्रेसका बरिष्ठ नेता रामचन्द्र पौडेल र नेकपा (एमाले)का उपाध्यक्ष सुवास नेम्वाङले राष्ट्रपतिका लागि हिजो उम्मेदवारी दिएका छन्। यता कांग्रेस उम्मेदवार रामचन्द्र पौडेलले शनिबार नै रास्वपा सभापति रवि लामिछानेलाई भेटेर आफूलाई सहयोग गर्न आग्रह गरिसकेका छन भने लामिछानेले पार्टीमा छलफल गरेर यसबारे आवश्यक निर्णय लिने बताएका थिए।
रास्वपालाई राष्ट्रपतिमा कांग्रेसलाई सहयोग गर्ने सहमति गर्न शुक्रबार बसेको ८ दलको बैठकमा बोलाइएको थिएन। रास्वपालाई कांग्रेस, माओवादीसहित ८ दलको बैठकमा नबोलाइएकाले उसले एमालेलाई समर्थन गर्नसक्ने रास्वपाका अर्का एक नेताले बताए।
उनका
अनुसार 'अहिलेसम्मको
घटनाक्रम हेर्दा एमाले उम्मेदवारलाई समर्थन हुन्छ होला तर अहिले नै यसै भन्न
सकिँदैन। पार्टीले जुन निर्णय पनि गर्न सक्छ।'
