भदौ ५, विराटनगर । प्रहरीले एक नवशिशुलाई बिक्री गरेको अवस्थामा उद्धार गरेको छ । विराटनगरमा रहेको ग्रीनक्रस अस्पतालबाट हराएको नवशिशुलाई प्रहरीले बिक्री गरेको अवस्थामा उद्धार गरेको हो । मंगलबार मोरङको कटहरी गाउँपालिका–२ बाट प्रहरीले शिशुको उद्धार गरेको हो, शिशुको अवस्था सामान्य रहेको जानकारी दिएको छ।
अस्पतालका चिकित्सक डा. तपेश्वरलाल कर्ण र अर्का एक युवकलाई शिशुलाई बेपत्ता पारेको आरोपमा प्रहरीले पक्राउ गरेको छ । प्रारम्भिक अनुसन्धान अनुसार शिशुलाई डा. कर्णकै संलग्नतामा बिक्री गरीएको देखिएको छ ।
मोरङ प्रहरीका
डिएसपी रञ्जन दाहालले भने ‘हामीले शिशु फेला पारेका छौँ, पक्राउ परेका
चिकित्सक तपेश्वरलाल कर्णले मोरङ कटहरीका एक निःसन्तान दम्पतीलाई दिएको खुलेको छ।
कति पैसा लिएर दिएको भन्ने खुल्न बाँकी रहेको छ।’
- न्युज बहार संवाददाता
