असोज १३, काठमाडौँ । शुक्रबार र शनिबारको पानीपछीको
बाढी र पहिरोका कारण राजधानी काठमाडौँ भित्रिने र बाहिरिने नाकाका सडकहरु ठप्पै
भएका छन् । काठमाडौँबाट आज तेस्रो दिन पनि गाडीहरु बाहिरिन सकेका छैनन् भने
काठमाडौँ भित्रिने क्रममा रहेका गाडीहरु पनि बीचबाटोमै अलपत्र परेका छन ।
पश्चिमतर्फबाट
काठमाडौँ भित्रिने मुख्य नाकाका रुपमा रहेको नागढुंगाको अवस्था सबैभन्दा खराब रहेको
छ । झ्याप्ले खोला छेउमा गएको ठूलो पहिरोका कारण केही गाडीहरु पुरिएका छन् र १४
जनाको मृत्यु समेत भएको छ । अहिले त्यहाँको
पहिरो पन्छाउने काम भइरहेको छ ।
त्यस्तै उत्तरतर्फ
टोखा, झोर हुँदै नुवाकोट
तिर जाने सवारी साधनहरु चलिरहेका छन् । ट्राफिक प्रहरीले सञ्चालन गरेको एफएमले जनाए
अनुसार टोखाको बाटोबाट पनि अत्यावश्यक सवारी साधनमात्र चलिरहेको छ । उक्त बाटो पनि
पहिरोले गर्दा ठाउँ–ठाउँमा
अवरोध गरेको छ ।
- न्युज बहार संवाददाता
