असोज २, काठमाडौँ । नेपालमा अहिले सम्मकै पहिलो पटक द्रुत बस सेवा सञ्चालन हुन लागेको छ । सूर्यविनायक–रत्नपार्क सडक खण्डमा असोज ३ गतेदेखी सरकारले संविधान दिवसको अवसर पारी द्रुत बस सेवा सञ्चालनको तयारी थालेको छ ।
द्रुत बस सेवा सञ्चालनको तयारीका लागि सडक विभागले अहिले सडकमा मार्किङको काम गरिरहेका छ भने भौतिक पूर्वाधार तथा यातायात मन्त्रालयले यातायात व्यवस्था विभागलाई २५ वटा ठूला बसको व्यवस्थापन गर्ने जिम्मेवारी समेत दिएको छ ।
विभागका महानिर्देशक सुशीलबाबु ढकालले द्रुत बस सेवा सञ्चालनमा ल्याउने गरी अहिले सडकमा मार्किङको काम भइरहेको बताएका छन । उनले सडकको लेनमा आवश्यक भौतिक तयारी पूरा भएको जानकारी दिएका हुन। यसरी मार्किङ गरिएको लेनमा दैनिक साँझ ४ बजेदेखि ६ बजे र बिहान ९ बजेदेखि ११ बजेसम्म द्रुत बस सेवा सञ्चालन हुनेछ ।
- न्युज बहार संवाददाता
