साउन ९, चितवन । मुग्लिङ नारायणगढ सडक खण्ड पहिरोले अवरुद्ध भएको छ।
चितवनको मुग्लिङ नारायणगढ सडक खण्ड अन्तर्गत पर्ने कालिखोला भन्ने ठाउँमा पहिरो खस्दा राजमार्ग पूर्ण रुपमा अवरुद्ध भएको हो ।
जिल्ला ट्राफिक प्रहरी कार्यालय चितवनले सडक बिहान ७ बजेदेखि पूर्ण रूपमा बन्द रहेको जानकारी दिएको छ ।
डिभिजन सडक कार्यालय भरतपुरले कालिखोला र आसपासका विभिन्न स्थानमा साना ठुला पहिरो आएर राजमार्ग अवरुद्ध भएको र अवरुद्ध सडक खुलाउने प्रयास भइराखेको जानकारी दिएको छ ।
कार्यालयले पानी परिराखेकाले परिरो पन्छाउन कठिन भएको बताएको छ । जिल्ला ट्राफिक प्रहरी कार्यालय चितवनले पहिरो पन्छाउन समय लाग्ने देखिएकोले वैकल्पिक मार्गको प्रयोग गर्न आग्रह समेत गरेको छ ।
- न्युज बहार संवाददाता
