जेठ २८, नवलपरासी । नवलपरासीको कालीगण्डकी नदीमा डुबेर दुई जना बेपत्ता भएका छन् । कालीगण्डकी नदीमा नुहाउन गएका दुई जना डुबेर बेपत्ता भएका हुन।
जिल्ला प्रहरी कार्यालय नवलपरासी (बर्दघाट सुस्तापूर्व)का सूचना अधिकारी सन्तोष पाठकले गैंडाकोट नगरपालिका–३ हर्दी केलादीस्थित कालीगण्डकी नदीमा नुहाउन गएका दुई जना डुबेर बेपत्ता भएको बताएका छन ।
नदीमा डुबेर बेपत्ता हुनेमा गैंडाकोट नगरपालिका-२ शिलान्यास चोक बस्ने २५ वर्षका रमेश चालिसे र चितवनको रत्ननगर नगरपालिका–२ टाँडी बस्ने २४ वर्षका सुरज सुवेदी रहेका प्रहरीले जानाएको छ।
बेपत्ता भएका दुवै जनाको इलाका प्रहरी कार्यालय गैँडाकोट र सशस्त्र प्रहरी बलको टोलीले खोजी कार्य गरिरहेको छ।
अहिले गर्मी बढे सँगै गर्मी छल्न भन्दै नदीमा नुहाउन जाँदा अप्रिय घटना धेरै बढ्न थालेको छ ।
- न्युज बहार संवाददाता
