जेठ ६, काठमाडौँ । नेपाल धितोपत्र बोर्डले बरुण हाइड्रोपावर कम्पनि लिमिटेडलाई १:१ को अनुपातमा हकप्रद शेयर निष्काशन गर्न स्वीकृति दिएको छ। कम्पनीले कुल ५३ लाख ५८ हजार १ सय ५१ कित्ता हकप्रद शेयर रु. १०० रुपैयाँ अंकित मूल्यमा जारी गर्ने अनुमति पाएको हो ।
बोर्डले कम्पनीले पेश गरेको हकप्रद निष्काशन सम्बन्धी प्रस्तावलाई स्वीकृति दिँदै शेयर निष्काशनको व्यवस्था तथा विवरण प्रकाशन गर्न सक्ने व्यवस्था मिलाएको छ । बोर्डबाट अनुमति पाएसँगै कम्पनीले चाँडै नै आवेदन खुल्ला गर्ने र यससम्बन्धी सूचना सार्वजनिक गर्ने तयारी गरिरहेको छ।
यसअघि कम्पनीले साधारण शेयर सूचीकरण गरी दोस्रो बजारमा कारोबार गर्दै आएको छ। हकप्रद निष्काशनबाट संकलन हुने पूँजी कम्पनीका चालु आयोजना तथा भविष्यका परियोजनामा प्रयोग गरिने बताइएको छ।
धितोपत्र बोर्डका अनुसार हकप्रद निष्काशनका लागि कम्पनीले सबै कानुनी प्रक्रिया पुरा गरेको छ। अब कम्पनीले शेयर निष्काशन तथा बिक्री प्रबन्धकको संयोजनमा निष्काशन मिति, आवेदन प्रक्रिया र अन्य विवरण सार्वजनिक गर्नेछ।
- न्युज बहार संवाददाता
