जेठ ५, काठमाडौँ । लुक्लाका लागि काठमाडौँबाट उडान भरेको समिट एयरको ट्वीनअटर जहाज पुनः काठमाडौँ नै फर्किएको छ ।
समिट एयरको फ्लाइट नम्बर ३०१ को ट्वीनअटर जहाज आज सोमबार बिहान लुक्ला उडेका लागि उडेको थियो तर जहाजमा प्राविधिक समस्या देखिएपछि जहाजलाई पुन: काठमाडौँ फर्काइएको हो ।
बिहान ७:२४ बजे उक्त जहाजलाई विमानस्थलमा आकस्मिक अवतरण गराइएको र इन्जिनमा समस्या आएपछि फेरि काठमाडौँ डाइभर्ट गरिएको त्रिभुवन विमानस्थल कार्यालयका प्रवक्ता रिञ्जी शेर्पाले जनाएका छन । काठमाडौँ विमानस्थलमा जहाज सुरक्षित अवतरण भएको छ ।
उक्त जहाजमा चालक दलका सदस्यसहित १९ जना यात्रु रहेका थिए ।
- न्युज बहार संवाददाता
