साउन १, काठमाडौँ। अघिल्लो वर्षको तुलनामा १० प्रतिशतले संघीय सरकारको राजस्व घट्दा काठमाडौँ महानगरपालिकाले भने आन्तरिक राजस्व बढाएको छ। अघिल्लो वर्षको तुलनामा काठमाडौँ महानगरपालिकाले ३० प्रतिशत बढी आन्तरिक राजस्व उठाएको हो भने स्रोत साधनको हिसाबले सबैभन्दा बलियो महानगरपालिका यसैलाई मानिन्छ।
महानगरको राजश्व विभागका प्रमुख ध्रुव काफ्लेले आर्थिक वर्ष २०७८/०७९
मा जम्मा ४ अर्ब ४६ करोड रुपैयाँ आन्तरिक
राजस्व उठाउन सफल भएको महानगरले आर्थिक वर्ष २०७९/०८० मा ५ अर्ब ८२ करोड रुपैयाँ
राजस्व उठाएको जानकारी दिएका छन।
आन्तरिक राजस्व बढे पनि प्रदेश तथा संघीय सरकारबाट बाँडफाँट र अनुदानबाट आउने राजस्वमा कमी आउँदा समग्र राजस्व घटेको काफ्लेले बतएका छन।
उनका अनुसार गत वर्षको तुलनामा समग्र राजस्व तीन प्रतिशत अर्थात् ३५ करोड रुपैयाँले कम उठेको हो।
- न्युज बहार संवाददाता
