असोज १६, काठमाडौँ । आज मंगलबार बझाङ जिल्लामा केन्द्रविन्दु भएर पटक पटक भूकम्प गएको छ ।
सबैभन्दा ठूलो धक्का दिउँसो ३ बजेर ६ मिनेटमा ६.३ रेक्टर स्केलको गएको, त्यो भन्दा अघी २ बजेर ४० मिनेटमा ५.३ रेक्टर स्केलको भुकम्प गएको राष्ट्रिय भूकम्प मापन तथा अनुसन्धान केन्द्रले जनाएको छ । राष्ट्रिय भूकम्प मापन तथा अनुसन्धान केन्द्रका भूकम्पविद् चिन्तन तिम्सिनाले भने ‘३ बजेर ६ मिनेटको मेनसकपछि ४ रेक्टरमाथिका ३-४ वटा परकम्प गइसकेको छ , ४ रेक्टरभन्दा कमका त जन धेरै गएको छ।’
यस तथ्यलाई हेर्दा बझाङमा क्रमश ३ बजेर ४५ मिनेट र ४ बजेर २८ मिनेटमा ४.१ रेक्टर स्केलका, ४ बजेर ३१ मिनेटमा ४.३ रेक्टर स्केलको र साँझ ५ बजेर १९ मिनेटमा ५ रेक्टरको भूकम्पको धक्का महशुस भएको छ ।
उनले भूकम्प कुनै सूचना वा पूर्वसूचना दिएर नआउने हुँदा, एकै दिन धेरै पटक भूकम्प गए पनि त्यसलाई जोखिम घटेको वा बढेको केही भन्न नसक्ने बताएका छन ।
- न्युज बहार संवाददाता
