पुस १३, काठमाडौँ । क्रिकेटर सन्दीप लामिछानेको जबरजस्ती करणी मुद्दामा काठमाडौँ जिल्ला अदालतले क्रिकेटर लामिछानेलाई दोषी ठहर गरेको छ ।
लामिछानेको यो मुद्दाको सुनुवाइका क्रममा पीडित अर्थात ‘गौशला २६’को उमेरबारे पनि निकै विवाद भएको थियो । किशोरी नाबालिक वा साबालिक भन्ने कुरामा धेरैनै विवाद भयो ।
आज जिल्ला अदालत काठमाडौँका न्यायाधीश शिशिरराज ढकालको इजलासले किशोरी साबालिक रहेको ठहर गरेको छ । वारदातको समयमा किशोरीको उमेर १८ वर्ष पुगेको अदालतले ठहर गरेको हो ।
नारायणी उपक्षेत्रीय अस्पताल, वीरगञ्जको डेलिभरी रजिस्टर, रालुका गाविस नुवाकोट तथा शंकरापुर नगरपालिका, काठमाडौँको बसाइँ सराइ दर्ता किताब र गौशला २६ को बकपत्र लगायतले ‘गौशाला २६’ को जन्ममिति १८ असार २०६१ रहेको खुल्न आएको छ भने घटना भएको बेला उनको उमेर १८ वर्ष पुगेको अदालतको इजलासले ठहर गरेको छ।
- न्युज बहार संवाददाता
