माघ १, दोलखा
। दोलखा जिल्लामा गएको सुख्खा पहिरोमा पुरिएर एक जनाको मृत्यु भएको छ । पहिरोमा
परी दुई जना घाइते समेत भएका छन् । दोलखाको बिगु गाउँपालिका वडा नम्बर–१, लामाबगरबाट लप्ची जाने सडक निर्माण
कार्य गर्ने क्रममा सुख्खा पहिरो गएको थियो ।
दिउँसो करिब ३ बजे लामावगर– लप्चि सडक खन्ने क्रममा देउराली
भन्ने स्थानमा नासा हाइड्रो पावरमा कार्यरत मनिसहरु माथि पहिरो खसेको थियो । प्रहरीका
अनुसार सडक खन्ने क्रममा सडकको माथिल्लो भागबाट सुख्खा पहिरो खस्दा उनीहरु पुरिएका
हुन ।
सुख्खा
पहिरोका कारण घटनास्थलतर्फ जाने सडक र बाटो अवरुद्ध हुनुका साथै मौसम प्रतिकुलताका
कारण हेलिकोप्टर समेत जान नसक्दा घाइतेको उद्धारमा कठिनाई भएको प्रहरीले जनाएको छ ।
- न्युज बहार संवाददाता
