पुस १, चितवन
। नारायणगढ मुग्लिन सडकखण्ड आगामी पुस ७ गतेदेखि दैनिक ४ घण्टा बन्द हुने भएको छ ।
नारायणगढ मुग्लिन सडकखण्ड अन्तर्गत पुस ७ गतेदेखि ३ हप्तासम्म विहान ११ बजेदेखि ३
बजेसम्म तुइन खोलामा पुल निर्माणका लागि पहाड काट्नुपर्ने भएपछि सडक बन्द हुने
भएको हो ।
तीन
हप्ता सडक बन्द गरेर पहाड काट्ने र पुलका लागि फाउण्डेशन तयार गर्ने निर्णय जिल्ला
प्रशासन कार्यालय चितवनमा बसेको सरोकारवालाहरुको बैंठकले गरेको छ ।
अघिल्लो
वर्षपनि पुस ५ गतेबाट सो सडक खण्डमा पुल निर्माणका लागि नै सडक बन्द गरेर पहाडको
भित्ता काट्ने काम गरिएको थियो । नारायणगढ–मुग्लिन सडक आयोजनाले यो वर्ष
पनि पुस ७ गतेदेखि ३ हप्तासम्म ४ घण्टा सडक बन्द गरेर काम गरिने जनाएको छ ।
- न्युज बहार संवाददाता
