मंसिर २३, काठमाडौँ । ट्रकको ठक्करबाट थानकोटमा स्कुटरमा सवार
महिलाको मृत्यु भएको छ । महिलाको मृत्यु भएपछि स्थानीयले सडक अवरूद्ध पारेका छन्।
चन्द्रागिरी
नगरपालिका-३ थानकोट खरिबोटमा शुक्रबार दिउँसो ३ बजे कलंकीबाट नागढुंगा जाँदै गरेको
बा ८८ प ७९५५ नम्बरको स्कुटरलाई सोही तर्फ जाँदै गरेको प्र ३-०१-००६ ख १३०८
नम्बरको डिब्बा गाडी ट्रकले ठक्कर दिएको थियो।
स्कुटरमा
सवार चन्द्रागिरी-२ नागढुंगा बस्ने ४० वर्षीय श्रीधर भूर्तेल र उनकी श्रीमती
अस्मिता भण्डारी ट्रकको ठक्करबाट गम्भीर घाइते भएका थिए।
गम्भीर
घाइते उनीहरूलाई उपचारका लागि मेडिसिटी अस्पताल लगिएको थियो । भएको जिल्ला प्रहरी
परिसर काठमाडौँका प्रवक्ता एसपी कुमोध ढुंगेलले गएराति अस्मिताको उपचारकै क्रममा
मृत्यु जानकारी दिएका छन ।
स्थानीयहरूले उनको मृत्यु भएपछि शनिबार
बिहान नागढुंगा सडक अवरूद्ध पारेका हुन्। थानकोट, खरिबोट र नागढुंगा
चेकपोइन्टमा दर्जनौंको संख्यामा उपस्थित भएका स्थानीयहरूले बिहान
केहीबेर सडक ठप्प पारेका हुन्।
- न्युज बहार संवाददाता
